WABUNGE WAKATAA KUKATWA KIINUA MGONGO CHAO

Wabunge  Bunge la Jamhuri ya Muungano wa Tanzania  wameijia juu serikali wakipinga mpango wake wa kutaka kukata  kodi,  kiinua  mgongo chao ambapo  walisema  kufanya hivyo ni kuwaumiza bila ya sababu ya msingi  na  kama  italazimika  kukatwa kwa kodi hiyo basi   ikatwe  kwa makundi  ya watu wote  ambao  waliokuwa  wanapata   msamaha  huo  wakiwemo  mawaziri   na  viongozi wengine wakubwa wa kisiasa wakisiasa.

Wakichangia  hotuba ya  bajetia  Mh.Hilary Aeishi mbunge  wa  Sumbawanga  mjini alisema wazo  lililoletwa na  serikali ni kama kuwagombanisha  na  wananchi  kwamba wao  hawalipi  kodi.

 

Naye Mh.Mbaraka Dau  mbunge  wa  Mafia   alisema   bajeti  ya  sasa inapaswa  kuongeza  wigo  katika vyanzo vipya vya mapato  hasa  katika  sekta ya  utalii  na pia serikali  imejipambanua  vyema katika kushirikisha sekta binafsi katika kuwaletea wananchi maendeleo

.

Mh.Selemani  Zed ni mbunge  wa Bukene  alitahadharisha  serikali kuhusu  mpango  wa serikali wa kuelekeza fedha  zote  mfuko mkuu wa serikali kisha zirudi kwa halmashauri au  taasisi  huska  ni jambo jema  ila wahakishe  kuwa  fedha  hizo  zinarudi katika halmashauri kwa muda  la sivyo halmashauri  zingine  zinaweza kushindwa  kujiendeleza.

 

Mh.Mwanne Ismail  ni  mbunge wa viti maalum  kutoka Tabora na Mh George  Lubeleje mbunge wa Mpwapwa  walitumia muda huo  kutaka  bajeti  katika sekta ya  afya  kuboreshwa  zaidi  kiasi cha fedha kilichotengwa hakiendani na mahitaji halisi.