MITARO YAGEUKA KUWA SEHEMU YA HAJA DOGO KATIKA SOKO LA JIONI KATIKA MJI WA BUNDA

Mitaro iliyopo katika soko la jioni (genge la jioni) katika mji wa Bunda mkoani Mara imegeuka kuwa sehemu ya kujisaidia haja dogo kwa akina mama wanaouza bogaboga eneo hilo  hali ambayo inaweza kuathiri afya za watu wanaofika eneo hilo.

Sauti ya Bunda Blog ilifika eneo hilo na kushundia wakina mama hao wakijisaidia katika mitaro hiyo huku wakisema wanafanya hivyo kwa kuogopa kuibiwa bidhaa zao kwani hujisaidia huku macho kwenye bidhaa zao.

“Sisi huwa tunafanya hivi muda huo macho umetazama mbele kama nyanya zao au samaki na vitu kama hivyo ili tu mtu asije akachukuwa bila idhini”walisema

Wakina mama hao licha ya kukili kuwa jambo hilo sio zuri lakini waliilalamikia serikali ya halmashauri ya mji wa Bunda kwa kushindwa kuweka miundombinu bora katika soko hilo.

“tunafahamu kuwa hiki kitu sio kizuri sasa tufanyeje kama halmashauri yetu haitutengenezei mazingira mazuri ya biashara”walisema

Sauti ya bunda blog ikamtafuta Mkurugezi wa mji wa Bunda Ally J. Ally ambapo alisema halmashauri ya mji wa Bunda imejipanga kuboresha mji wake ili kufikia katika hatua ambayo ni zuri na kwamba na mambo ya kujisaidia hovyo  yatakwisha.

“Ni seme tu kuwa maisha ambayo tuliyazoe kama wana bunda ya kujisaidia hovyo tuyaacha maana mji wetu sasa unakuwa” alisema