KANGI AZUNGUMZIA SUALA LA KUPUNGUZWA KWA FEDHA ZA OFISI YA MKAGUZI WA HESABU ZA SERIKALI

Baadhi ya wabunge wameonesha wasiwasi kuhusu kupunguzwa kwa fungu la fedha katika Ofisi ya Taifa ya Ukaguzi wa Hesabu za Serikali na kuonya kuwa huenda hatua hiyo ikapunguza kasi ya utendaji kazi wa Rais John Magufuli.

Wabunge hao walionesha wasiwasi huo kwa nyakati tofauti bungeni mjini Dodoma, wakati wakichangia hotuba ya Bajeti Kuu ya Serikali kwa mwaka wa fedha 2O16/17 inayoanza kutekelezwa Julai mosi, mwaka huu.

Miongoni mwa wabunge hao ni mbunge wa Mwibara, Kangi Lugola (CCM), aliyesema kuwa, kupunguza fedha katika ofisi hiyo ni kumkwamisha Mkaguzi na Mdhibiti Mkuu wa Hesabu za Serikali (CAG) kufanya kazi yake kwa ufanisi na tija.

" kupunguza fedha katika ofisi hiyo ni kumkwamisha Mkaguzi na Mdhibiti Mkuu wa Hesabu za Serikali (CAG) kufanya kazi yake kwa ufanisi" alisema kangi

Kwa mujibu wa Kangi, kitendo hicho kinaweza kutafasriwa kama cha kuukumbatia ufisadi kwa sababu ofisi ya CAG ndio inayofanya kazi ngumu na kubwa ya kuwafichua mafisadi nchini, hivyo inahitaji kujitosheleza kibajeti na hivyo kuiepusha na utegemezi.