SERIKALI WILAYANI BUNDA YAOMBWA KUWATAZAMA KWA JICHO LA HURUMA SCOUTI.

 Serikali katika Halmashauri ya wilaya ya Bunda Mkoani Mara imeombwa kuwatazama kwa jicho la huruma vijana wa Scouti katika kuwawezesha chakula pamoja na vifaa vya kutumia wakati wakiwa kambini vifaa hivyo ni kama vile Mahema na Masufulia ya kupikia chakula hali itakayo saidia vijana kutimiza wajibu wao bila shida yeyote.

Akizungumza na blog hii Kamishina Msaidizi wa scouti wilaya ya Bunda Chabwene John Musimo alisema kama vijana wanapata mahitaji muhimu wakiwa kambini ni kweli kuwa watendelea kupenda scouti bila kuwa wasumbufu.

“serikali yetu ya wilaya ya bunda itutazame kwa jicho la huruma ili tuweze kufikia malengo yetu kama scouti”

Chabwene alisema kuwa scouti inafundisha jinsi ya kuishi na watu katika mazingira yeyote na kwamba  inasaidia vijana wengi kujiepusha kuingia katika vikundi vya matendo maovu kama vile vibaka mtaani. 

“scouti kama scouti inasaidia mambo mengi sana inapunguza vibaka mtaani kupitia vijana ambao tunawapa mafunzo ya jinsi ya kuishi na watu katika mazingira yeyote ndio hao wanakuwa mabalozi wema katika jamii”