Viongozi 3 na wajumbe 25 wa serikali za vijiji Musoma wakamatwa kwa tuhuma za ubadhirifu

Viongozi watatu wa Serikali za vijiji katika kata ya murangi katika  Halmashauri ya Musoma vijijini Mkoani Mara wakiwemo wajumbe 25 wa   Serikali za vijiji wamekatwa na Jeshi la Polisi kwa tuhuma za   ubadhirifu wa fedha mbalimbali za michango  ya wananchi.

 

Agizo la kukamatwa kwa viongozi hao,limetolewa na Mkuu wa Mkoa wa   Mara Bw Magesa Mulongo katika mkutano wa hadhara ambao umefanyika  katika kijiji cha Murangi ukijumuisha wananchi wa vijiji vya kata    ya Murangi na Msanja.

 

Wakizungumza katika mkutano huo mbele ya mkuu huyo wa mkoa wa   Mara,baadhi ya wananchi wamedai kuwa licha ya kuchangishwa kila   kukicha fedha kwa ajili ya ujenzi wa Maabara na miradi mingine ya maendeleo katika kijiji hicho lakini viongozi hao wameshindwa   kuwasomea mapato na matumizi huku baadhi yao wakigawana fedha hizo    na hivyo kusababisha ujenzi wa maabara kusimama ukiwemo ujenzi wa   choo katika moja ya shule za msingi kijijini hapo.

 

Kufuatia kilio hicho cha wananchi,mkuu huyo wa mkoa wa Mara amegiza    jeshi la polisi kuwakamata viongozi maafisa wawili watendaji wawili   wa kijiji na mwenyekiti wa serikali ya kijiji wakiwemo wajumbe wa serikali na kwamba licha ya kutakiwa kurejesha fedha hizo lakini pia  uongozi wa halmashauri umeagiza kuchukua hatua kali kwa viongozi hao.