Jamii imetakiwa kuachana na imani za kishirikina

Jamii imetakiwa kuachana na imani za kishirikina zinazopelekea uvunjifu wa amani na badala yake waelekeze imani yao kwa mwenyezi mungu hali itakayo wawezesha kuishi kwa amani na upendo.

Hayo yamesemwa na Askofu mkuu wa kanisa la methodist kanda ya afrika mashariki na kati Joseph Ntombura kupitia mafundisho yake aliyoyatoa kwenye mkutano maalum wa injili uliofanyikia mjini Bunda.

Askofu Ntombura amesema kama jamii itamwelekea Mungu  vitendo viovu kama vile rushwa na ubadhirifu uliokithiri vitatoweka na hivyo wengi wao kufanya mambo yenye tija kwa makuzi ya uchumi wa taifa.

Aidha  Askofu Ntombura ametumia  furusa hiyo kuendesha huduma maalum ya kumuombea Rais Dkt.John Pombe Magufuli ili azidishiwe busara na hekima katika utendaji kazi wake wa kuliongoza vema taifa la Tanzania.