BAADHI YA VIONGOZI WALIO FANIKISHA UJENZI WA JENGO LA OFISI YA KIJIJI CHA NYASANA.

BUNDA. habari na Gharos Riwa

Halmashauri za vijiji zimetakiwa kuwa na ushirikiano wa karibu na ngazi za juu za kiserikali ili kuharakisha maendeleo katika maeneo yao.

Wito huo ulitolewa na mwenyekiti wa halmashauri ya mji wa bunda mh, Pius Mayaya wakati alipokuwa akiwahutubia wananchi wa kijiji cha nyasana katika kata ya kabasa wilayani humo katika sherehe za uzinduzi wa ofisi mpya ya serikali ya kijiji hicho kilicho gharimu shilingi milioni tisa laki sita na mia nne.

Alisema kuwa  ushirikiano huo unatasaidia upatikanaji wa taarifa sahihi kwa viongozi wa ngazi za juu na kuchukua hatua za haraka kutatua changamoto  zinazojitokeza na kuongeza kwa kutolea mfano nguzo za umeme zilizokuwa zinataka kuhamishwa kutoka katika kijiji hicho na shirika la umeme tanesco wilayani bunda  pasipo kushirikisha serikali ya kijiji jambo  ambalo lililoshindikana mara baada ya taarifa kufikishwa katika ngazi ya halmashauri ya mji.

Aidha Mayaya aliwataka viongozi wa serikali ya kijiji hicho kuwasomea wananchi mapato na matumizi kila baada ya miezi mitatu ili wananchi wafahamu mwenendo wa maendeleo yao.