Kilio cha wachinja nyama Katika machinjio ya Bunda mjini cha malizika.

Kilio cha  wachinja nyama katika machinjio ya Bunda mjini mkoni Mara cha kuboreshewa Mazingira ya machinjio yao sasa kimeisha baada ya serikali ya halmashari hiyo kuelekeza nguvu kubwa ya kuboresha machinjio hayo  ili kuhakikisha nyama zinachinjwa katika Mazingira mazuri.

WaChachinja nyama hao walisema hatua iliyochukuliwa na serikali ya halmashauri yao ni nzuri maana miundombinu muhimu haikuwepo katika eneo hilo  hali ilikuwaikitishia usalama wa afya zao.

Amon John ni mmoja wa wachinja nyama katika machinjio hayo alisema kuwa mwanzoni  huduma muhimu kama vile maji na choo havikuwepo na kwamba damu zilikuwa zinatiririka hovyo na hivyo kuchafua Mazingira ya machinjio hayo huku watumiaji wakijisaidia miji jirani.

Pamoja hayo waliishukuru halmashauri ya mji wa Bunda kwa kuonyesha nia ya kuwasaidia kutoka hatua waliyokuwa kuwa hadi hatua nyingine jambo ambalo linawatia hamasa sasa ya kufanya kazi kwa moyo mmoja.

“Kiukweli tunaishukuri halmashauri yetu ya mji wa Bunda kwa kutujali na sisi wachinja nyama maana tulikuwa tumesahaulika” walisema

Naye diwani wa kata hiyo Joash kunaga alisema kuwa yeye kama kiongozi wa eneo hilo ataendelea kuwasaidia wananchi wake kupitia michango yake katika vikao vya madiwani vya halmashauri hiyo.

“Mimi kama kiongozi wao nitahakikisha naendelea kuwapigania wananchi wangu kwa mambo mazuri kupitia vikao tunavyokaa” alisema Joash