Chama cha walimu wilayani Bunda Mkoani Mara kimewapa mkonoWalimu wastafu 30 wa kheri

Na mwandishi  Edina Pita

Chama cha walimu Tanzania CWT Wilaya ya Bunda Mkoani Mara kimeiomba serikali kusikia kilio cha madai ya  walimu  walio simamia mtiahani wa darasa la nne mwaka 2015.

Akizungumza  katika hafla fupi ya mkono wa kwa heri kwa walimu wastaafu katika ofisi za chama hicho Mwenyekiti wa chama cha walimu wilaya ya Bunda Mongson Kabeho alisema  kuwa walimu 814 wanaidai  serikali jumla ya fedha tasilimu  Milioni arobaini na tano  na laki tatu( 45,300,000) hivyo ni vyema serikali ikawalipa madai hayo.

“Jumla ya walimu 814 wanaidai  serikali jumla ya fedha tasilimu  Milioni arobaini na tano  na laki tatu( 45,300,000) ni vyema serikali ikawalipa “alisema kabeho

Lakini pia alisema kuna Walimu ambao walifanya kazi kwa uadilifu na kujituma  waliostaafu tangu mwaka jana  mwezi wa sita lakini hadi sasa mafao yao bado hajalipwa hali inayo pelekea kuishi maisha magumu  kwa walimu hao ambapo hali hiyo  inadhalilisha taaluma ya  ualimu.

“kuna walimu walifanya kazi kwa uadilifu na kujituma  waliostaafu tangu mwaka jana  mwezi wa sita lakini hadi sasa tunavyozungumza mafao yao bado hajalipwa” alisema kabeho 

Naye kwa upande wake katibu wa chama hicho  Kambula  malaba  aliwapongeza  wastaafu  hao  na kwamba wanapaswa kujivunia  kwa hatua waliofikia  kwani wengi wanatamani kufikia hatua hiyo.

“Niwapongeze tu wazee wangu kwa hatua hii kwani wengi wanatamani wafikie lakini wanashindwa hivyo jivunieni nyie kustaafu”alisema malaba

Katika  hatua nyingine nao wastaafu walioagwa katika hafla hiyo ambao walipewa mkono wa kwa heri kwa kuzawadia  mabati 20 na fedha tasilimu elfu ishirini kwa ajili ya usafiri  amabapo waliahidi kuwa mabalozi wema  kwa walimu vijana walioko kazini katika shule mbalimbali.

“Twendeni tukawe mabalozi wema  kwa walimu vijana walioko kazini katika kuwaelimisha mambo mbalimbali yanayopaswa kuelimishana”