Wakazi wa kijiji cha, ITENKA katika Halmashauri ya NSIMBO Wilayani MPANDA Mkoani KATAVI wameiomba serikali kuwaruhusu kutumia miundombinu ya umwagiliaji wa kienyeji wakati wakisubiri kuwekewa miundombinu ya kisasa katika bonde la umwagiliaji la ITENKA.
Wakazi hao wametoa ombi hilo wakati wa mkutano wa hadhara uliokua na lengo la kujadili shughuli za maendeleo katika jimbo la NSIMBO, mkutano ulioongozwa na Mbunge wa jimbo hilo RICHARD MBOGO.
Wakazi hao Wamesema wao wanategemea kilimo cha mpunga hivyo kubomolewa kwa miundo mbinu iliyokuwa imejengwa na kuzuia maji kutiririka katika bonde la mto katuma kumeyafanya Maisha yao kuwa mashakani kwa kuwa hawana tegemeo jingine la uchumi tofauti na kilimo cha mpunga katika bonde hilo.
Kwa upande wake Mbunge wa Jimbo la NSIMBO Richard Mbogo amesema atawasilisha suala hilo serikalini ili liweze kufanyiwa kazi na kuwataka Wakazi hao kuheshimu sheria za uhifadhi wa mazingira kwa kutii maagizo yaliyotolewa na serikali.
Hakuna maoni:
Chapisha Maoni